අමෙරිකාවේ Biden පරිපාලනය විසින් චීන විදුලි වාහන ආනයනය සඳහා තීරුබදු සියයට 25 සිට 100 දක්වා ඉහළ නැංවීමට සැලසුම් කිරීම සම්බන්ධයෙන් චීනය ප්‍රතිචාර දක්වා තිබෙනවා.
ඒ අනුව අමෙරිකාවේ නව තීරුබදුවලට දැඩි ලෙස විරුද්ධ වන බවයි චීනය පවසන්නේ.
එමෙන්ම දෙරට අතර පවතින පුළුල් සම්බන්ධතාවයට වෙළඳ බාධක බලපානු ඇති බවට ද චීනය අමෙරිකාව වෙත අනතුරු අගවා ඇතැයි සඳහන්.
එමෙන්ම සිය රටේ අවශ්‍යතා ආරක්ෂා කිරීමට අධිෂ්ඨානශීලීව කටයුතු කරන බවයි චීන රජය පවසා ඇත්තේ.
චීනයේ වාණිජ අමාත්‍යාංශය ද කියා සිටියේ මෙම පියවර අමෙරිකානු ජනාධිපති ජෝ බයිඩන්ගේ චීනය පිළිබඳ පෙර ස්ථාවරයට පටහැනි බවයි
