කම්කරු හා විදේශ රැකියා අමාත්‍යාංශය විසින් සංවිධානය කරනු ලබන "ජයගමු ශ්‍රී ලංකා මහජන ජංගම සේවය" වැඩසටහන ජුනි මස 22 සහ 23 දෙදින අම්පාර "H.M වීරසිංහ පිටියේදී" පැවැත්වීමට නියමිතයි.
ඩිජිටල් පරම්පරාවක් බිහිකිරීම හා බුද්ධිමත් ශ්‍රී ලාංකික කම්කරුවන් බිහිකිරීම මෙහි අරමුණයි.
අමාත්‍ය මනූෂ නානායක්කාරගේ "ජයගමු ශ්‍රී ලංකා" වැඩසටහන ආරම්භ වූ දා සිට අද දක්වා දිවයින පුරා දිස්ත්‍රික්ක රැසකට ඵලදායි ලෙස ව්‍යාප්ත වී ඇති අතර, රැකියා සොයන පුද්ගලයින්ට මෙන්ම දැනටමත් සේවයේ නියුතු පුද්ගලයින්ට වැඩි වැඩියෙන් ආධාර ලබා දෙනු ලබනවා.
ශ්‍රී ලංකා විදේශ සේවා නියුක්ති කාර්යාංශය, ශ්‍රම වාසනා අරමුදල, ගරුසරු, ස්මාර්ට් යෞවන සමාජය සහ සංක්‍රමණික සේවක හරසර ඇතුළු අනුබද්ධ සංවිධාන සමඟ එක්ව මහජන සුබසාධන ගෙවීම් බෙදා හැරීම අධීක්ෂණය කරන අතර පාසල් සඳහා ස්මාර්ට් පුවරු සහ අම්පාර කලාපයේ වෙසෙන අඩු ආදායම්ලාභී පවුල්වල සිසුන් සඳහා අධ්‍යාපනික ද්‍රව්‍ය ලබාදෙමින් ජනතාවට සේවය කරනවා.
එමෙන්ම, රැකියා විකල්ප ප්‍රවර්ධනය කිරීමට අමතරව, "ජයගමු ශ්‍රී ලංකා" අඩු ආදායම්ලාභී සහ සංක්‍රමණික කම්කරු පවුල්වලට ඔවුන්ගේ ව්‍යාපාරික කටයුතු සඳහා සහාය වනවා.
මෙම මුලපිරීම විදේශ රැකියා සහ සියලුම කම්කරු අමාත්‍යාංශ ආයතන සමඟ මහජන අන්තර්ක්‍රියා සඳහා පහසුකම් සපයන අතර සාමාන්‍යයෙන් කොළඹ ප්‍රධාන කාර්යාලයට යාමට අවශ්‍ය ක්‍රියාකාරකම් සිදු කිරීමට ප්‍රදේශවාසීන්ට ඉඩ සලසනවා.
