සෞඛ්‍ය ක්ෂේත්‍රයේ රැකියාවල නිරත නිලධාරීන් හට තැපැල් ඡන්ද භාවිත කිරීමට අවස්ථාව රජය විසින් සලසා දී නැතැයි සමස්ත ලංකා හෙද සංගමය පවසනවා.
එහි සභාපති රවින්ද්‍ර කහඳවආරච්චි පැවසුවේ එලෙස අවස්ථාව ලබා නොදීමෙන් සෞඛ්‍ය ක්ෂේත්‍රයේ නිරත නිලධාරීන්ගේ මූලික අයිතිවාසිකමක් උල්ලංඝනය වීමේ අවදානමක් පවතින බවයි.
මෙවර ජනාධිපතිවරණයේ තැපැල් ඡන්ද ප්‍රකාශයට පත් කළ හැකි දින වකවානු මැතිවරණ කොමිසම පසුගියදා ප්‍රකාශයට පත් කළා.
ඒ අනුව, දිස්ත්‍රික් ලේකම් කාර්යාල, මැතිවරණ කාර්යාල හා පොලීසිය සඳහා වෙන් කර ඇත්තේ සැප්තැම්බර් 04 වනදායි.
තැපැල් ඡන්ද ප්‍රකාශ කිරීම සඳහා ඉල්ලා ඇති අනෙක් පාර්ශව සඳහා සැප්තැම්බර් 05 සහ 06 යන දෙදින වෙන් කර ඇති බවයි මැතිවරණ කොමිෂන් සභාව පැවසුවේ.
