Saturday, April 5, 2025

General line - 0115112241

ගිනි අවි හතරක් සමඟ සැකකරුවන් සිව්දෙනෙකු අත්අඩංගුවට



දිවයිනේ ප්‍රදේශ කිහිපයක සිදුකල වැටලීම්වලදී ගිනි අවි සන්තකව සිටි සැකකරුවන් සිව්දෙනෙකු අත්අඩංගුවට ගෙන තිබෙනවා. 

විදේශීය රටක නිෂ්පාදිත ගිනි අවියක් සමඟ හෙනරත්ගොඩ ප්‍රදේශයේදී එක් සැකකරුවෙකු අත්අඩංගුවට ගෙන ඇත්තේ යක්කල පොලිසිය විසින්. 

ඉගිනියාගල, දේවාලහිඳ ප්‍රදේශයේදී මෙරට නිෂ්පාදිත ගිනි අවියක් සමඟ තවත් සැකකරුවෙකු අත්අඩංගුවට ගෙන තිබෙනවා. 

ඉගිනියාගල පොලිසිය පැවසුවේ එම සැකකරු අම්පාර ප්‍රදේශයේ පදිංචිකරුවෙකු බවයි. 

සෙසු සැකකරුවන් දෙදෙනා ගොඩකවෙල සහ පනාමුර ප්‍රදේශවලදී අත්අඩංගුවට ගෙන තිබෙනවා.