අමෙරිකානු ජනාධිපති ඩොනල්ඩ් ට්‍රම්ප් ඉන්දු - අමෙරිකානු තීරුබදු සාකච්ඡා පිළිබඳව සුභවාදී අදහස් ප්‍රකාශ කර තිබේ.
එමෙන්ම ඔහු ඉන්දීය අග්‍රාමාත්‍ය නරේන්ද්‍ර මෝදිගේ නායකත්වය ප්‍රශංසා කළ බව ද විදෙස් මාධ්‍ය පවසයි.
එමෙන්ම ට්‍රම්ප්, මෝදිව හඳුන්වා දී ඇත්තේ ඉතා බුද්ධිමත් මිනිසෙකු සහ විශිෂ්ට මිතුරෙකු ලෙස ය.
ට්‍රම්ප් මෙම අදහස් පළ කර ඇත්තේ නිව් ජර්සි හි එක්සත් ජනපද නීතීඥ ඇලිනා හබ්බාගේ දිවුරුම් දීමේ උත්සවයේදීයි.
"ඉන්දියාව ලෝකයේ ඉහළම තීරුබදු අය කරන රටවලින් එකකි.
ඔවුන් ඉතා දක්ෂයි.
අගමැති මෝදි ඉතා බුද්ධිමත් මිනිසෙක් සහ මගේ විශිෂ්ට මිතුරෙකි.
අපි ඉතා හොඳ සාකච්ඡා පැවැත්වුවා. මම හිතන්නේ එය ඉන්දියාව සහ අපේ රට අතර ඉතා හොඳින් ක්‍රියාත්මක වේවි.
ඔබට විශිෂ්ට අගමැතිවරයෙක් සිටින බව මට පැවසීමට අවශ්‍යයි," ඔහු තවදුරටත් පැවසීය.
