තායිවානයේ විශාලතම වාර්ෂික හමුදා අභ්‍යාසය වන හන් ක්වාං අභ්‍යාසය සෙනසුරාදා ආරම්භ විය
දින 14 ක යුධ අභ්‍යාස චීනයේ ප්‍රකෝපකාරී ක්‍රියාවන්ට ප්‍රතිචාරයක් බව විශේෂඥයින් පෙන්වා දෙයි.
එමෙන්ම ඉකුත් සතියේ චීනය තායිවානය ආසන්නයේ දින 02 ක යුද අභ්‍යාසයක් ද සිදු කර තිබිණි.
ජාතික ආරක්ෂක අමාත්‍යාංශයේ ඒකාබද්ධ මෙහෙයුම් සැලසුම් අංශයේ අධ්‍යක්ෂ මේජර් ජෙනරාල් Tung Chi-hsing පවසන පරිදි තායිවානයේ මෙම යුද අභ්‍යාසයේ අරමුණ වන්නේ චීන මහජන විමුක්ති හමුදාව තායිවානයට ප්‍රහාරයක් දක්වා වර්ධනය වන අවස්ථා සඳහා මුහුණ දීමේ හැකියාව සොයා බැලීම බවයි.
තායිවාන ව්‍යවස්ථාදායකයේ විදේශ කටයුතු සහ ජාතික ආරක්ෂක කමිටුවේ සාමාජික Wang Ting-yu අවධාරණය කළේ සාම්ප්‍රදායික බල ගැටුම්වලින් ඔබ්බට ඇති තත්ත්වයන් හැසිරවීමට හමුදාව සූදානම් විය යුතු බවයි.
ජාත්‍යන්තර නීතියට අනුකූලව චීනයේ හමුදා ක්‍රියාකාරකම්වලට ප්‍රතිචාර දැක්වීම මෙයට ඇතුළත් වන අතර, චීන හමුදා අභ්‍යාස පූර්ණ පරිමාණ ආක්‍රමණයක් දක්වා වර්ධනය වීම වළක්වයි.
එවැනි සංකීර්ණ අවස්ථා සඳහා පුළුල් සැලසුම් සහ අනුකරණය අවශ්‍ය වන බව ඔහු සඳහන් කළ අතර, යුද පුහුණු සඳහා වැඩි කාලයක් ගත වන බව ද ඔහු පවසා තිබේ.
ජාතික ආරක්ෂක හා ආරක්ෂක පර්යේෂණ ආයතනයේ ආරක්ෂක උපාය මාර්ග සහ සම්පත් අංශයේ අධ්‍යක්ෂ Su Tzu-yun ද පැවසුවේ චීනයේ හමුදාමය උපක්‍රම අවස්ථා සඳහා මුහුණ දෙන්නේ කෙසේද යන්න සොයා බැලීමට තායිවාන හමුදාවට ඉඩ සැලසීම සඳහා මෙම වසරේ Han Kuang අභ්‍යාසය දින අටේ සිට සති දෙකක් දක්වා දීර්ඝ කළ බවයි.
