Monday, February 20, 2017
Hotline - 0770586666

විමල්ගේ බිරිඳගෙන් ඉල්ලීමක්

10003Views

රක‍ෂිත බන්ධනාගාරගත කෙරුණු පාර්ලිමේන්තු මන්ත්‍රී විමල් වීරවංශට සිය නිවසින් ආහාර ලබාදීමට අවසර ඉල්ලා තිඛෙනවා.

බන්ධනාගාර ආරංචි පැවසුවේ මන්ත්‍රීවරයාගේ බිරිද මැගසින් බන්ධනාගාරයෙන් ඊට ලිඛිතව අවසර ඉල්ලා ඇති බවයි.

එම ඉල්ලීම අනුව විමල් වීරවංශට අද දහවල් සිට නිවසින් රැගෙන එන ආහාර ලබා ගැනීමට අවසර හිමි වනවා.

මන්ත්‍රීවරයාගේ සෞඛ්‍ය තත්ත්වය සොයා බැලීමට බන්ධනාගාර රෝහලේ වෛද්‍යවරයෙකුද පෙරවරුවේ මැගසින් බන්ධනාගාරයට පැමිණි බවයි බන්ධනාගාර ආරංචි පැවසුවේ.

ඊයේ රක‍ෂිත බන්ධනාගාර ගත කෙරුණු පාර්ලිමේන්තු මන්ත්‍රී විමල් වීරවංශ මේ වනවිට කොළඹ මැගසින් බන්ධනාගාරයේ ඊ වාට්ටුවේ සිර මැදිරියක වෙනම රදවා සිටිනවා.

පාර්ලිමේන්තු මන්තී්‍ර විමල් වීරවංශ ජනවාරි 24 වනදා තෙක් රක‍ෂිත බන්ධනාගාරගත කෙරුණේ රජයේ වාහන අවභාවිත කිරීමේ චෝදනා යටතේයි.

රාජ්‍ය ඉංජිනේරු සංස්ථාවට කුළි පදනම යටතේ ලබාගත් වාහන 40 ක් දේශපාලන සහ පෞද්ගලික කටයුතුවලට යොදාගෙන රජයට රුපියල් මිලියන 91 ක මුදලක් පාඩු කළ බවටයි මන්තී්‍රවරයාට චෝදනා එල්ල වුණේ.