ජිනීවා මානව හිමිකම් කොමිසමේ යෝජනාවලිය ශි‍්‍ර ලංකාව තුළ කි‍්‍රයාත්මක කිරීම සම්බන්ධයෙන් විපක්ෂ නායක ආර් සම්බන්දන් මහතා ප්‍ර‍මුඛ දෙමළ ජාතික සන්ධාන නායකයන්ගේ විශේෂ සාකච්ඡාවක් අද (11) පැවැත්වුණා. ඒ වව්නියාවේදීය.
ජිනීවා මානව හිමිකම් කවුන්සිලයේදී ශ්‍රී ලංකාව සම්බන්ධයෙන් ඉදිරිපත් වූ සියලූ යෝජනා ඒ ආකාරයෙන්ම ක්‍රියාත්මක විය යුතු බවට වූ යෝජනාවක් දෙමළ ජාතික සන්ධානය විසින් එහිදී සම්මත කර ගනු ලැබුවා. සාකච්ඡාවෙන් පසු දෙමළ සන්ධානයේ පාර්ලිමේන්තු මන්ත්‍රී එම් ඒ සුමන්තිරන් මාධ්‍ය හමුවේ පැවසුවේ ශ්‍රී ලංකාව එම යෝජනා ක්‍රියාත්මක නොකරන්නේ නම් ඒ සම්බන්ධයෙන් එක්සත් ජාතීන්ගේ සංවිධානය මැදිහත්විය යුතු බවට ද මෙහිදී යෝජනා වූ බවයි.
