කසළ කළමනාකරණය සම්බන්ධයෙන් ඉදිරියේදී විශේෂ ව්‍යාපෘති රැසක් ක‍්‍රියාවට නංවන බව ආණ්ඩුව පවසනවා.
පාර්ලිමේන්තුවේ ඊයේ පැවති විවාදයේ දී මෙම කරුණු අනාවරණය වුණා.
ආන්ඩු පක්ෂය වෙනුවෙන් විවාදයට එක් වූ මහ නගර හා බස්නාහිර සංවර්ධන අමාත්‍යාංශය පාඨලි චම්පික රණවක මෙලෙස අඳහස් පලකළා. අනාගතය සඳහා රට පුරාම අත්‍යවශය ස්ථාන වල විද්‍යාත්මක කසළ බැහැර කිරීමේ මධ්‍යස්ථාන නිර්මාණය කිරීම හා වරාය නගරය වගේම ගොඩනැගෙන තාක්ෂණය නගරය වැනි ඉහළ ගනයේ ස්ථාන සඳහා කසළ ප්‍රතිචක්‍රිකරණය මධ්‍යස්ථාන නිර්මාණය කරනවා.
කසල ඉවත් කිරීම අත්‍යවශ්‍ය සේවාවක් බවට පත් කිරීමේ ගැසට් නිවේදනය අනුමත කර ගැනීම සඳහායි මෙම විශේෂ පාර්ලිමේන්තු රැස්වීම කැඳවා තිබුණේ.
මීතොටමුල්ල කසළ කන්ද සම්බන්ධයෙන් එහි දී වාද විවාද ඇති වුණා.
මාස 06ක් ඇතුළත මීතොටමුල්ල කුණු කන්ද ඉවත් කිරීමක් සිදු නොවන බවයි එහි දී අනාවරණ වුණේ.
විවාදයට එක් වූ පළාත් සභා හා පළාත් පාලන අමාත්‍ය ෆයිසර් මුස්තාපා එහි දී පැවසුවේ මීතොටමුල්ලට තවදුරටත් කසළ බැහැර කිරීමට සිදුවන බවයි.
වෙනත් ස්ථානයක් සොයා ගන්නා තෙක් එසේ කිරීමට සිදු වන බව ද ඔහු වැඩිදුරටත් කියා සිටියා.
