Monday, June 18, 2018
Hotline - 0770586666

අන්තරේ කැඳවුම්කරු ඇතුළු 06කට වරෙන්තු

1832Views

අන්තර් විශ්ව විද්‍යාලයීය ශිෂ්‍ය බල මණ්ඩලයේ කැඳවුම්කරු ලහිරු වීරසේකර ඇතුළු හය දෙනෙකු අත්අඩංගුවට ගෙන අධිකරණයට ඉදිරිපත් කරන ලෙස කොළඹ මහේස්ත‍්‍රාත් අධිකරණය අද වරෙන්තු නිකුත් කළා. ඒ, මීට වසර දෙකකට පෙර විශ්ව විද්‍යාල ප‍්‍රතිපාදන කොමිසන් සභාව ඉදිරිපිට දී විරෝධතාවක් සිදු කර මහජන පීඩා සිදු කළේ යැයි කියන චෝදනාවකට අදාළ නඩුවක් අද යළි කැඳවූ අවස්ථාවේදීයි.

ලහිරු වීරසේකර ඇතුළු හය දෙනා අධිකරණය හමුවේ පෙනී නොසිටීම හේතුවෙන් කොළඹ ප‍්‍රධාන මහේස්ත‍්‍රාත් ලාල් රණසිංහ බණ්ඩාර මෙලෙස වරෙන්තු නිකුත් කළා. 
මෙම නඩුව අගෝස්තු මස 25 වනදා යළි කැඳවීමට නියමිතයි.