පාර්ලිමේන්තු මැති ඇමතිවරුන්ට වාහන මිල දී ගැනීමට ඉදිරිපත් කරන පරිපූරක ඇස්තමේන්තු අනුමත කළ නොහැකි බව මුදල් කාරක සභාව කථානායකවරයාට දැනුම් දී තිබෙනවා.
එහි සභාපති පාර්ලිමේන්තු මන්ත‍්‍රී එම් ඒ සුමන්තිරන් කියා සිටියේ වාහන මිල දී ගැනීමට අදාළ තොරතුරු ලබාදෙන තුරු ඒ සඳහා අනුමැතිය ලබාදිය නොහැකි බවයි.
මුදල් අමාත්‍යාංශයේ විසර්ජන පනතට අදාළ නියමයන් පිළිබඳ පාර්ලිමේන්තුවේ අද පැවති විවාදයට එක්වෙමින් මන්ත‍්‍රීවරයා මේ බව කියා සිටියා.
