කැබිනට් මණ්ඩලය අද (09) රැස්වීමට නියමිතයි.
ජනාධිපති මෛත‍්‍රීපාල සිරිසේන මහතාගේ ප්රධානත්වයෙන් මෙම රැස්වීම පැවැත්වෙනු ඇති.
අමාත්‍ය රවී කරුණානායකට එරෙහිව ඉදිරිපත්වී ඇති විශ්වාසභංග යෝජනාව සම්බන්ධයෙන් ද මෙහි දී සාකච්ඡා කෙරෙණු ඇතැයි දේශපාලන ආරංචි පවසනවා.
මේ වනවිට ගැසට් කර තිබෙන ආණ්ඩුක‍්‍රම ව්‍යවස්ථාවේ 20 වන සංශෝධනය සඳහා වූ කෙටුම්පත සහ පළාත් සභා ඡන්ද විමසීම් සංශෝධන කෙටුම්පත ද කැබිනට් මණ්ඩලය අවධානයට ගැනීමට නියමිතයි.
මේ අතර පාර්ලිමේන්තුව ද අද නැවත රැස්වනවා. ජාතික ආරක්ෂාව පිළිබඳ ආංශික අධීක්ෂණ කාරක සභාව සහ ප‍්‍රතිසංධාන හා උතුර හා නැගෙනහිර නැවත ගොඩනැගීම පිළිබඳ ආංශික අධීක්ෂණ කාරක සභාව ද අද රැස්වීමට නියමිතයි.
