කොළඹ ජාතික රෝහලේ රුධිර පරීක්ෂණ කටයුතු ජාලගත කර තිබෙනවා.
මෙමඟින් කඩිනමින් රෝගීන් වෙත සිය වෛද්‍ය වාර්තා නිකුත් කිරීමේ වැඩපිළිවෙලක් ක‍්‍රියාත්මක වන බවයි සෞඛ්‍ය අමාත්‍යංශය සඳහන් කළේ.
ඒ අනුව වෛද්‍යවරයාට, රෝගීයාට හෝ රසායනාගාර පාරිභෝගිකයාට තම රුධිර වාර්තාවන් සිය පරිගණයකට හෝ ජංගම දුරකතනයට ලබා ගැනීමට හැකි වනවා.
මෙමඟින් රෝගීන්ට කඩිනමින් ප‍්‍රතිකාර කිරීමට අවස්ථාව හිමිවන අතර ගුණාත්මක සේවාවක් ද සැපයීමට හැකි වන බවයි සෞඛ්‍ය අමාත්‍යංශය කියා සිටියේ.
