Tuesday, July 17, 2018
Hotline - 0770586666

සාර්ථක ආරම්භයෙන් පසු ශ‍්‍රී ලංකා කණ්ඩායමේ කඩුලු බිඳ වැටුණු හැටි 

2863Views

සංචාරක ඉන්දීය කණ්ඩායම සමග දැන් පැවැත්වෙන පළමු එක්දින ක‍්‍රිකට් තරගයේ දී සිය පස්වන අර්ධ ශතකය රැස් කිරීමට නිරෝෂන් දික්වැල්ල සමත් වුණා. 

ඔහු දැවී ගියේ ලකුණු 64ක් රැස් කර ගෙන සිටියදීයි. දනුෂ්ක ගුණතිලක ලකුණු 35යි. 

ඔවුන් දෙදෙනා අතර පළමු කඩුල්ල වෙනුවෙන් ලකුණු 74ක සබඳතාවක් ගොඩනැගුණා.

තුන්වන කඩුල්ල ලෙස කුසල් මෙන්ඩිස් ලකුණු 36ක් රැස් කර ගෙන සිටයදී දැවී ගියා. 

කුසල් සහ දික්වැල්ල අතර දෙවන කඩුල්ල වෙනුවෙන් ගොඩනැගුණු සබඳතාව ලකුණු 65ක්. 

පසුව පිටියට පැමිණි උපුල් තරංග ලකුණු 13කටත් චාමර කපුගෙදර එක් ලකුණකටත් දැවී ගියා. 

වනිඳු හසරංගට ලබා ගැනීමට හැකි වූයේ ලකුණු 2 ක් පමණයි.

ශ්‍රී ලංකා ඉනිමට තවත් ලකුණු 2 ක් එක් වද්දී ලකුණු ලබා ගැනීම ආරම්භ කොට නොතිබූ තිසර පෙරේරා දැවී ගියේ ජස්ප්‍රීට් බුම්රාගේ පන්දුවක් කෙලින්ම කඩුල්ලේ වැදීමෙන්.

මේ වන විට ශ්‍රී ලංකාව කඩුලු 7 ක් දැවී ලකුණු 178ක් ලබා අසීරු තත්වයේ පසුවෙනවා.