පාකිස්තාන කණ්ඩායම සමග පැවැත්වෙන ක්‍රිකට් තරගාවලිය සදහා නව පුහුණුකරුවෙකු පත්කර ගැනීමට නොහැකි වුවහොත් එම තරගාවලියේ ද ශ්‍රී ලංකා කණ්ඩායමේ පුහුණුකරු ලෙස නික් පෝතස් කටයුතු කරනු ඇතැයි වාර්තා වනවා.
ශ්‍රී ලංකා ක්‍රිකට් සභාපති තිලංග සුමතිපාල මේ වන විට විදෙස් ගතව ඇති බැවින් ඔහු පැමිණි විගස ඒ පිළිබඳ අවසන් තීරණයක් ගනු ඇති බවයි Neth Sportsmen වෙත වාර්තා වන්නේ.
ඔස්ට්‍රේලියානු ජාතික Deen jones ශ්‍රී ලංකා කණ්ඩායමේ ප්‍රධානතම පුහුණුකරු ධුරයට යෝජනා කෙරුණ ද ඔහු පිළිබඳව ද මෙතෙක් අවසන් තීරණයක් ගෙන නැහැ.
Deen jones දක්ෂ ක්‍රීඩකයෙකු වුවත්, පුහුණුකරුවෙකු ලෙස ඔහු කෙතරම් සාර්ථක ද යන්න ප්‍රශ්නයක් බවයි ක්‍රිකට් ආයතනයේ උසස් නිලධාරීන් පවසන්නේ.
පාකිසතානු සුපර් ලීග් ක්‍රිකට් තරගාවලියේ ඉස්ලාමාබාද් යුනයිටඞ් කණ්ඩායමේ ප්‍රධානතම පුහුණුකරු වශයෙන්ද ඞීන් ජෝන්ස් මේ වන විට කටයුතු කරනවා.
