දීපවාලි වෙනුවෙන් හැටන් මහජන සෞඛ්‍ය පරීක්ෂකවරුන් සීරුවෙන්

එළඹෙන දීපවාලී උත්සවය ඉලක්ක කර ගනිමින් මහජන සෞඛ්‍ය පරීක්ෂකවරුන් අද (13) හැටන් නගරය පුරා විශේෂ වැටලීමක් දියත් කළා.

ඒ, උත්සව සමයේ දී පාරිභෝගික ජනතාවට සිදුවිය හැකි අපහසුතා අවම කිරීම සඳහායි.

හැටන් - දික්ඔය නගර සභා සීමාවේ සියලූම වෙළඳසැල් හා පදික වෙළඳසැල් මෙහිදී පරීක්ෂාවට ලක් කෙරෙනවා.

එහිදී අපිරිසිදු ලෙස ආපනශාලා පවත්වාගෙන ගිය වෙළඳසැල් රැසකට එරෙහිව නඩු පැවරීමට පියවර ගත් බවයි හැටන් නගර සභාවේ මහජන සෞඛ්‍ය පරීක්ෂක එස්. බාලක්‍රිෂ්ණන් පැවසුවේ.

දීපවාලි උත්සවය එලෙඹෙන 18 වනදා පැවැත්වෙනවා.