අයථා ලෙස මුදල් උපයා ගැනීමේ චෝදනා යටතේ පාර්ලිමේන්තු මන්ත‍්‍රී නාමල් රාජපක්ෂ ඇතුළු 05 දෙනෙකුට එරෙහිව ගොනු කර ඇති නඩුවේ සාක්ෂි විභාගය ලබන වසරේ පෙබරවාරී මස 16 වනදා ආරම්භ කිරීමට අද (14) නියම කෙරුණා. ඒ, මෙම නඩුව කොළඹ මහාධිකරණය හමුවේ කැඳවූ අවස්ථාවේදීයි. නඩුවේ පළමු, දෙවන සහ තුන්වන සාක්ෂිකරුවන්ට එදිනට අධිකරණයේ පෙනී සිටින ලෙසටද එහිදී සිතාසි නිකුත් කෙරුණා.
පාර්ලිමේන්තු මන්ත‍්‍රී නාමල් රාජපක්ෂට අයත් ගවර්ස් කෝපරේට් සමාගම වෙනත් සමාගමක් සමග සිදු කළ ගනුදෙනුවකදී අයථා ලෙස රුපියල් මිලියන 30ක මුදලක් උපයා ගැනීම ඇතුළු අධි චෝදනා 11ක් යටතේ නීතිපතිවරයා විසින් මෙම නඩුව පවරා තිබෙනවා.
