අද අලූයම 01 සිට 05 දක්වා රටපුරා කෙරුණු විශේෂ මෙහෙයුමක දී විවිධ අපරාධ සම්බන්ධයෙන් සැකකරුවන් 722 දෙනෙකු අත්අඩංගුවට ගැනීමට පොලිසිය සමත් වී තිබෙනවා. අධිකරණය මගහරිමින් සිටි වරෙන්තුකරුවන් 559 දෙනෙකු ද මෙම මෙහෙයුමේදී අත්අඩංගුවට ගැණුනා. නීති විරෝධි ගිනි අවි 06ක් ද එහිදී සොයාගෙන තිබෙනවා.
මීට අමතරව විෂ මත්ද්‍රව්‍ය සහ නීති විරෝධි මධ්‍යසාර පිළිබඳ වැටලීම් 586ක් ද මෙම මෙහෙයුමේ දී සිදු කෙරුණු බවයි පොලිස් මූලස්ථානය පැවසුවේ. ගංජා කිලෝග‍්‍රෑම් 09කට ආසන්න ප‍්‍රමාණයක් සහ හෙරොයින් ග‍්‍රෑම් 25කට ආසන්න ප‍්‍රමාණයක් එහිදී සොයාගෙන ගැණුනා. නීති විරෝධි මධ්‍යසාර ද ලීටර් 25,000කට වැඩි ප‍්‍රමාණයක් සොයාගෙන තිබෙනවා.
පොලිස් නිලධාරීන් 14,706 දෙනෙකු මෙම මෙහෙයුම සඳහා යොදවා ගැණුනා. පොලිස් නිල සුනඛයින් 10 දෙනෙකු ද ඒ සඳහා යොදවා ගැණුනු බවයි පොලිස් මූලස්ථානය පැවසුවේ.
