රන් භාණ්ඩ වංචාවක් සම්බන්ධයෙන් රිමාන්ඩ් භාරයේ සිට තංගල්ල මහේස්ත්රාත් අධිකරණයට ඉදිරිපත් කර සිටි ප්රවීණ ගායක වික්ටර් රත්නායකගේ බිරිඳ හෂිනි අමේන්ද්රා මේ මස 26 වැනිදා තෙක් යළි රිමාන්ඩ් කිරීමට තංගල්ල ප්රධාන මහේස්ත්රාත් මහී විජේවීර අද (17) නියෝග කළා.
2012 සිට 2016 දක්වා කාලයේදී තංගල්ලේ පිහිටි රාජ්ය බැංකුවක උකස් අංශයේ සේවය කරමින් සිටියදී එම බැංකුවට උකස්කර තිබූ රුපියල් දස ලක්ෂයකට ආසන්න වටිනා ස්වර්ණාභරණ අතුරුදහන්වීයැයි කියන සිද්ධියක් සම්බන්ධයෙන් හෂිනි අමේන්ද්රා පසුගිය 9 වැනි දින තංගල්ල කොට්ඨාස වංචා විමර්ශන අංශය විසින් අත්අඩංගුවට ගනු ලැබුවා.