අමෙරිකානු ජනාධිපති ඩොනල්ඞ් ට‍්‍රම්ප් එරට රාජ්‍ය ලේකම්වරයා වන රෙක්ස් ටිලර්සන් ධුරයෙන් පහ කර තිබෙනවා.
විදෙස් වාර්තා පැවසුවේ සී අයි ඒ ප‍්‍රධානී මයික් පොම්පේ නව රාජ්‍ය ලේකම්වරයා ලෙස පත් කර ඇති බවයි.
රෙක්ස් ටිලර්සන් රාජ්‍ය ලේකම්වරයා ලෙස ඉටු කළ සේවය අගයමින් ජනාධිපති ට‍්‍රම්ප් ට්විටර් පණිවුඩයක්ද නිකුත් කර තිබෙනවා.
මේ අතර නව සී අයි ඒ ප‍්‍රධානියා ලෙස ගීනා හස්පල්ගේ නම ජනාධිපති ට‍්‍රම්ප් විසින් යෝජනා කර ඇති බවයි විදෙස් වාර්තා පැවසුවේ. එම ධූරයට යෝජනා කෙරුණු පළමු කාන්තාව ඇයයි.
