වත්මන් දේශපාලන තත්ත්වය පිළිබඳ සාකච්ඡා කෙරෙන විශේෂ හමුවක් හිටපු ජනාධිපති මහින්ද රාජපක්ෂ මහතා සහ ඒකාබද්ධ විපක්ෂයේ පක්ෂ නායකයින් අතර අද (24) පස්වරුවේ පැවැත්වුණා. ඒ, හිටපු ජනාධිපති මහින්ද රාජපක්ෂ මහතාගේ කොළඹ පිහිටි නිල නිවසේදීයි.
පාර්ලිමේන්තුවේ නව සැසිවාරය ආරම්භ වන මැයි මස 08 වනදා ඒකාබද්ධ විපක්ෂය ලෙස පාර්ලිමේන්තුවේදී කටයුතු කළ යුතු ආකාරය, ශ‍්‍රී ලංකා නිදහස් පක්ෂයේ අර්බුදය හා ජනතා විමුක්ති පෙරමුණ විසින් ගෙන ඒමට නියමිත විධායක ජනාධිපති ධුරය අහෝසි කරන 20 වන ආණ්ඩුක‍්‍රම ව්‍යවස්ථා සංශෝධනය පිළිබඳ මෙහිදී සාකච්ඡා කෙරුණු බවයි ප‍්‍රකාශ කෙරුණේ.
