දඹුල්ල නගරයට සහ තදාසන්න ප‍්‍රදේශවලට ඇදහැලූන තද වැසි හේතුවෙන් ඇළ මාර්ග කිහිපයක් පිටාර ගලා තිබෙනවා. දඹුල්ල නගරයේ වෙළඳසැල් දෙකක් හා ඉහළ ඇරැව්වල ප‍්‍රදේශයේ නිවාස 05ක්ද ජලයෙන් යටවී ඇති බවයි නෙත් නිවුස් වාර්තාකරු පවසන්නේ. මෙම නිවාසවල වැසියන් ආපදා සහන සේවකයින් විසින් ආරක්ෂිත ස්ථාන වෙත යොමු කර තිබෙනවා.
මේ අතර තලවකැලේ ප‍්‍රදේශයේදි දුම්රිය මාර්ගය මතට පස් කන්දක කොටසක් කඩා වැටීමෙන් උඩරට මාර්ගයේ දුම්රිය ධාවනයට පැවති බාධා මේවනවිට ඉවත් කර ඇතැයි දුම්රිය පාලක මැදිරිය පවසනවා. ඊයේ (16) පස්වරුවේයි මෙම ආපදාව සිදුවුණේ.
