පර්පෙචුවල් ටේරෂරිස් පුද්ගලික සමාගමේ හිමිකරු අර්ජුන් ඇලෝසියස් සහ එම සමාගමේ ප‍්‍රධාන විධායක නිලධාරී කසුන් පලිසේන ගොණුකළ පෙත්සම ලබන ජුනි මස 5 වනදා සලකා බැලීමට අභියාචනාධිකරණය අද (25) තීරණය කළා. රක්‍ෂිත බන්ධනාගාරගතව සිටින මෙම දෙපළ ඇපමත මුදාහරින ලෙසටයි මෙම පෙත්සමෙන් ඉල්ලා තිබුණේ.
ඔවුන් ඇපමත මුදා හරින ලෙසට කළ ඉල්ලීම් ඉකුත් පෙබරවාරි මස 16 වනදා කොළඹ කොටුව මහේස්ත‍්‍රාත් අධිකරණය සහ කොළඹ මහාධිකරණය ප‍්‍රතික්‍ෂේප කර ඇති බව අදාළ ප‍්‍රතිශෝධන පෙත්සමෙන් දක්වා තිබෙනවා.
