ප‍්‍රංශයේ පැරිස් අගනුවර පිහිටි අයිෆල් කුළුණේ ආරක්ෂාව තර කිරීමට බලධාරීන් පියවර ගෙන තිබෙනවා. විදෙස් වාර්තා පවසන්නේ රට තුළ පවතින ත‍්‍රස්ත අවදානම හේතුවෙන් මෙම පියවර ගෙන ඇති බවයි.
ඒ අනුව අයිෆල් කුළුණ වටා ඉදිකර ඇති තාවකාලික ආරක්ෂිත වැට වෙනුවට ස්ථිර වැටක් ඉදිකිරීමට බලධාරීන් පියවර ගෙන ඇති බවයි වාර්තා වන්නේ. ලබන ජූලි මාසයේදී එහි කටයුතු නිමා කිරීමට අපේක්ෂිතයි. ඒ වෙනුවෙන් ප‍්‍රංශ රජය දරා ඇති පිරිවැය යුරෝ මිලියන 35ක්.
