පානදුර ලංගම බස් නැවතුම්පොළ අසල නීතිවිරෝධීව වෙළඳාම් කළ තරුණයින් දෙදෙනෙකුගේ එළවළු කරත්තය පෙරළා දමා ඔවුන් ඉන් ඉවත් කිරීමට කටයුතු කිරීමට අදාල බව කියන වීඩියෝවක් පසුගිය දින කිහිපයේ සමාජජාල ඔස්සේ සංසරණය වුණා.
එහිදී එළවළු කරත්තය පෙරළා දැමූ බවට චෝදනා එල්ල කෙරුණේ පොලිසියට සහ නගර සභාවටයි.
කෙසේවෙතත් මෙම එළවළු කරත්තය ඉවත් කළේ නීත්‍යානුකූල අන්දමින් බව පානදුර නගර සභාවේ නගරාධිපති නන්දන ගුණතිලක පැවසුවා. මීට පෙර ඒ පිළිබඳ මෙම පුද්ගලයින් දෙදෙනා දැනුවත් කර තිබූ බවත් මෙම කරත්තය පෙරළා දැමුවේ එළවළු කරත්තය හිමි තරුණයා විසින්ම බවයි නගරාධිපති නන්දන ගුණතිලක එහිදී වැඩිදුරටත් පෙන්වා දුන්නේ.
ඊට අදාළ වීඩියෝවද නගරාධිපති නන්දන ගුණතිලක සිය ෆේස්බුක් පිටුව වෙත එක් කර තිබෙනවා.
(එම වීඩියෝව පහතින් දැක්වෙයි)
