1977 වසරේ දී ජේ.ආර්. ජයවර්ධන හිටපු ජනාධිපතිතුමන් පාක්ෂිකයන්ට ප්රතිලාභ ලබා දුන් ආකාරයට ඉදිරි ජනාධිපතිවරණයෙන් අනතුරුව පාක්ෂිකයන්ට සහන ලබා දෙන බව එක්සත් ජාතික පක්ෂයේ මහ ලේකම් අධ්යාපන අමාත්ය අකිල විරාජ් කාරියවසම් පවසනවා.
හිටපු ජනාධිපති ජේ.ආර් ජයවර්ධන මහතාගේ 112 වැනි ජන්ම දින සැමරුම වෙනුවෙන් පිටකෝට්ටේ පිහිටි ජාතික සේවක සංගම් මූලස්ථානයේ අද (17) පැවති උත්සවයේ ප්රධාන ආරාධිතයා ලෙස සහභාගී වීමෙන් අනතුරුව මාධ්යවේදීන් නැගූ ප්රශ්නයකට පිළිතුරු දෙමින් එක්සත් ජාතික පක්ෂයේ මහ ලේකම්වරයා මේ බව සඳහන් කළා.
තමන් හිටපු ජනාධිපති ජේ.ආර් ජයවර්ධන මහතාගේ පිළිරුව ඉදිරිපිට සිටිමින් "අපි ආණ්ඩුව ගන්නවා ඒ වගේම පාක්ෂිකයන්ට සලකනවා" යනුවෙන් අමාත්ය අකිල විරාජ් කාරියවසම් එහිදී සඳහන් කර සිටියා.
1994 වසරට පසුව රාජ්ය නායකත්වය සමග ශක්තිමත් බලයක් එක්සත් ජාතික පක්ෂයට නොලැබුණු බව ද එක්සත් ජාතික පක්ෂයේ මහ ලේකම්වරයා මෙහිදී සදහන් කර සිටියා.