Monday, December 10, 2018
Hotline - 0770586666

විග්නේශ්වරන්ගේ පෙත්සම කුණු කූඩයට

2449Views



 

උතුරු පළාත් සභාවේ ධීවර හා ප්‍රවාහන අමාත්‍යවරයා ලෙස කටයුතු කළ බි. ඩෙනීෂ්වරන් එම තනතුරෙහි අඛණ්ඩව කටයුතු කිරීම බලාත්මක කරමින් ලබා දුන් අභියාචනාධිකරණයේ නියෝගය අභියෝගයට ලක්කරමින් උතුරු පළාත් හිටපු ප්‍රධාන  අමාත්‍ය සී.වී. විග්නේශ්වරන් විසින්  ගොනු කළ අභියාචන පෙත්සම ප්‍රතික්ෂේප කිරීමට  ශ්‍රේෂ්ඨාධිකරණය අද (08) නියෝග කළා .

ඒ විනිසුරු ප්‍රියන්ත ජයවර්ධන ප්‍රමුඛ ත්‍රිපුද්ගල විනිසුරු මඩුල්ලක් විසිනි.

උතුරු පළාත් සභාවේ ධීවර හා ප්‍රවාහන අමාත්‍යවරයා ලෙස කටයුතු කළ බි. ඩෙනීෂ්වරන් මහතා එම තනතුරෙන් ඉවත් කිරීමට උතුරු පළාත් ප්‍රධාන අමාත්‍ය සී.වී. විග්නේශ්වරන් ගත් තීරණය ක්‍රියාත්මක කිරීම වළක්වාලමින් අභියාචනාධිකරණය මීට පෙර  අතුරු තහනම් නියෝගයක් නිකුත් කළා.

එම තීන්දුව අභියෝගයට ලක්කරමින් විග්නේශ්වරන් විසින් මෙම අභියාචන පෙත්සම ගොනු කර තිබුණා.

උතුරු පළාත් ප්‍රධාන අමාත්‍යවරයා  විසින් ගොනු කළ මෙම පෙත්සමෙන් උතුරු පළාත් සභාවේ ධීවර හා ප්‍රවාහන අමාත්‍යවරයා ලෙස කටයුතු කළ බි. ඩෙනීෂ්වරන් සහ නීතිපතිවරයා වගඋත්තරකරුවන් ලෙසට නම් කර තිබුණා.