මාධ්‍යවේදී ජමාල් කෂෝගි ඝාතනය කර ඇත්තේ සෞදි ඔටුන්න හිමි කුමරු මොහොමඞ් බින් සල්මාන්ගේ නියෝගයකට අනුව යැයි ඇමරිකානු මධ්‍යම විමර්ශන කාර්යාංශය විශ්වාස කරන බව ඇමරිකානු මාධ්‍ය වාර්තා කර තිබෙනවා. ඒ, CIA ආයතනයෙන් ලැබී ඇති තොරතුරු අනුව ඝාතනය පිළිබඳ සාක්ෂි විස්තරාත්මකව අධ්‍යයනයකින් අනතුරුවයි.
කෙසේවෙතත්, සෞදි අරාබිය පවසන්නේ මෙය අසත්‍යයක් බවයි. එම ඝාතන සැලසුම පිළිබඳව ඔටුන්න හිමි කුමරු දැන නොසිටි බවයි සෞදි රජය පවසා ඇත්තේ.
මේ අතර අදාළ ඝාතනයට වගකිව යුතු සියලූ දෙනාම නීතිය හමුවට පමුණුවන බවට ඇමරිකානු උප ජනාධිපති මයික් පෙන්ස් ප‍්‍රතිඥා දී තිබෙනවා . ඔහු මේ බව ප‍්‍රකාශකර ඇත්තේ පැපුවා නිව්ගිනියාවේ සමුළුවකට සහභාගී වී සිටි අතරතුරයි.
