රුපියල් ලක්‍ෂ හාර දහසක වියදමකින් ගාල්ල දිස්ති‍්‍රක්කයේ කි‍්‍රයාත්මක පාලම් ව්‍යාපෘති රැසක් ජනතා අයිතියට පත් කිරීම සහ තවත් ව්‍යාපෘති ගණනාවකට මුල්ගල තැබීම අද සහ හෙට දිනවල සිදු කෙරෙනවා.
ඒ, අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධනගේ ප්රධානත්වයෙන්.
ඒ අනුව බෙන්තර - ඇල්පිටිය ප‍්‍රදේශයේ නවයේ කණුව, ඉහළ පාලම ජනතා අයිතියට පත් කිරීම අද පෙරවරුවේ සිදු කිරීමට නියමිතයි. බෙන්තර - ඇල්පිටිය මැතිවරණ කොට්ඨාසයේ ගොළුවමුල්ල ගනේගොඩ පාලම සහ ඉහල ඕමන්ත පාලමට මුල්ගල තැබීමද අද සිදුකෙරෙන බවයි ස්වදේශ කටයුතු අමාත්‍යාංශය සදහන් කළේ.
හිනිදුම මැතිවරණ කොට්ඨාසයේ කිඹුලාවල පාලම සහ මානන්හේන පාලම ජනතා අයිතියට පත් කිරීම සහ එම කොට්ඨාසයේ තවත් පාලම් කිහිපයකට මුල්ගල තැබීමද අමාත්‍ය වජිර අබේවර්ධනගේ ප්රධානත්වයෙන් අද දිනයේ සිදු කිරීමට නියමිතයි.
