විනය ගැන ගෝඨාභය පැහැදිළි කරයි

නිසි විනයක් ඇත්නම් පමණක් යහපත් සමාජයක් බිහි වන බව හිටපු ආරක්‍ෂක ලේකම් ගෝඨාභය රාජපක්‍ෂ පවසනවා.

කළුතර, පිංහේන ගංගාරාම විහාරස්ථානයේ පැවති ආගමික උත්සවයක් අමතමින් ඔහු ඒ බව සඳහන් කළා.

එහිදී "සෑම දෙමාපියෙක්ම තමන්ගේ දරුවන්ව දහම් පාසලට යැවීම ඉතාම වැදගත්. අද නිදහස ගැන ලොකු කතාවක් තියෙනවා..  පුද්ගලයෙකුට නිදහස ලැබෙනවාත් සමගම ඒ පුද්ගලයාගේ විනය ඉතාමත්ම වැදගත් වෙනවා. එහෙම නැත්නම් සමාජය වියරු තත්ත්වයකට පත්වෙනවා." යනුවෙන් ද සඳහන් කළා.

ආගමික ස්ථාන සංවර්ධනය කර ආරක්‍ෂා කළහොත් පමණක් සමාජයක් ලෙස ඉදිරියට යා හැකි බවයි මෙහිදී ප‍්‍රකාශ කෙරුණේ.