කොකේන් සහ අයිස් නමැති මත්ද්‍රව්‍ය ළග තබා ගත් පුද්ගලයින් තුන්දෙනෙකු පානදුර, පරන්ත රිවිදෙව්ගම ප‍්‍රදේශයේදී අත්අඩංගුවට ගෙන තිබෙනවා. ඒ, පානදුර උතුර පොලීසිය විසින් සිදු කළ වැටලීමකදීයි. අත්අඩංගුවට ගත් අය අතර කාන්තාවක් ද වන බවයි පොලීසිය පැවසුවේ.
සැකකරුවන් සතුව තිබී කොකේන් ග‍්‍රෑම් 4 කට වැඩි ප‍්‍රමාණයක් ද, අයිස් මත්ද්‍රව්‍ය ග‍්‍රෑම් 96ක් ද සොයා ගෙන තිබෙනවා. ජංගම දුරකථන 16ක් සහ ඒවා සඳහා භාවිත කරන සිම්පත් 8ක්, සුළු බර කිරීමට යොදා ගන්නා තරාදියක් සහ ජාවාරම් කිරීමෙන් උපයා ගනු ලැබූ මුදල් රු. 37,000ක් ද ඔවුන් සන්තකව තිබූ බවයි පොලීසිය වැඩිදුරටත් පැවසුවේ.
අත්අඩංගුවට ගනු ලැබූ පිරිස දින 7ක කාලයක් රඳවා ගෙන ප්‍රශ්න කිරීම සඳහා අධිකරණ නියෝග ලබා ගත් බවයි පොලිසියේ උසස් නිළධාරියෙක් ප්‍රකාශ කර සිටියේ.
