ඉන්දීය පි්රමියර් ලීග් කි්රකට් තරගාවලියේ අවසන් මහා තරගයට සුදුසුකම් ලබාගැනීමට චෙන්නායි සුපර් කිංග්ස් කණ්ඩායම ඊයේ රාති්රයේ සමත් වුණා.
ඒ, දිල්ලි කැපිටල්ස් කණ්ඩායම සමග පැවති තරගය කඩුළු 6 කින් ජය ගනිමින්. මෙම තරගයේ පළමුවෙන් පන්දුවට පහර දුන් දිල්ලි කණ්ඩායම කඩුළු 9 ක් දැවී ලකුණු 147 ක් රැස් කළා. රිෂාබ් පාන්ට් පන්දු 25 කදි ලකුණු 38 යි. පන්දු යැවීමේදී ඩිවයින් බ්රාවෝ ලකුණු 19 කට කඩුළු 2 ක් දවා ගත් අතර රවීන්ද්ර ජඬේජා ලකුණු 23 කට කඩුළු 2 ක් බිද හෙළුවා.
පිළිතුරු ඉනිම කී්රඩා කළ චෙන්නායි සුපර් කිංග්ස් කණ්ඩායම පන්දුවාර 19කදී ජයග්රාහී ඉලක්කය පසු කර ගියේ කඩුළු 4 ක් පමණක් දැවී තිබියදීයි. ෂේන් වොට්සන් පන්දු 32 කදී ලකුණු 50 ක් රැස් කළ අතර ෆෆ් ඩූ ෆ්ලෙසිස් පන්දු 39 කදී ලකුණු 50 ක් රැස් කළා.
ඒ අනුව 2019 අයි පී එල් අවසන් මහා තරගයේදී මුම්බායි ඉන්දියන්ස් කණ්ඩායම සහ චෙන්නායි සුපර් කිංග්ස් කණ්ඩායම තරග වැදීමට නියමිතයි. එම තරගය හයිද්රාබාද්හිදි හෙට පැවැත්වෙනවා.