Friday, July 10, 2020

Advertising - 0773953664 | General line - 0115112241

ඇමති මංගල පත්කළ ලිට්රෝ අධ්‍යක්ෂක මණ්ඩලයට අතුරු තහනම් නියෝගයක්

දිනුක් හේවාවිතාරණ

3004Views


 


 

මුදල් අමාත්‍ය මංගල සමරවීරගේ නියෝග මත ලිට්රෝ ගෑස් සමාගමට පත් කළ නව අධ්‍යක්‍ෂ මණ්ඩලයට එම තනතුරු වල කටයුතු කිරීම ලබන 28 වැනිදා තෙක් වළකාලමින් කොළඹ වාණිජ මහාධිකරණ විනිසුරු ආර් ගුරුසිංහ මහතා අද (15) අතුරු තහනම් නියෝගයක් නිකුත් කරනු ලැබුවා.

මහා භාණ්ඩාගාරයේ කොටස් නොමැති ලිට්රෝ ගෑස් සමාගමේ අධ්‍යක්‍ෂවරුන් පත් කිරීමට මුදල් අමාත්‍යාංශයේ ලේකම්වරයාට බලයක් නොතිබියද මුදල් අමාත්‍ය මංගල සමරවීරගේ නියෝග මත ලිට්රෝ ගෑස් සමාගමට නව අධ්‍යක්‍ෂ මණ්ඩලයක් පත් කොට ඇතැයි කියමින් ලිට්රෝ ගෑස් සමාගමේ හිටපු කළමනාකරණ අධ්‍යක්ෂ මුදිත පීරිස් ඇතුළු අධ්‍යක්ෂ මණ්ඩලයේ සාමාජිකයන් සිව් දෙනෙකු විසින් ඉදිරිපත් කළ පෙත්සමක් සලකා බැලීමෙන් අනතුරුව අදාළ නියෝගය නිකුත් කළ විනිසුරුවරයා පෙර අධ්‍යක්‍ෂ මණ්ඩලයට ඔවුන්ගේ කටයුතු වලට බාධ නොකරන ලෙසද නව අධ්‍යක්‍ෂ මණ්ඩලයට නියෝග කරනු ලැබුවා.

නව අධ්‍යක්‍ෂ මණ්ඩලයට එම තනතුරු වල කටයුතු කිරීම තාවකාලිකව වළකාලමින් අතුරු තහනම් නියෝගයක් නිකුත් කළ විනිසුරුවරයා මෙම පෙත්සම යළි කැඳවීමට නියමිත ලබන 28 වැනිදා විරෝධතා ඇත්නම් ඉදිරිපත් කිරීමට වගඋත්තරකරුවන්ට නියම කර සිටියා.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here