ජාතික තව්හිද් ජමාද් සංවිධානයට සම්බන්ධ වෛද්යවරයෙකු මව්වරුන් පිරිසකට වන්ද්යකරණ සැත්කම් සිදු කර ඇති බවට පළ වූ වාර්තා සම්බන්ධයෙන් පාර්ලිමේන්තුවේදී මෙන්ම අද පැවැති මාධ්ය හමු කිහිපයකදීම අදහස් පළ වුණා.
පාර්ලිමේන්තුවේදී ඒ සම්බන්ධයෙන් ජනතා විමුක්ති පෙරමුණේ නායක පාර්ලිමේන්තු මන්තී්ර අනුර කුමාර දිසානායක කතානායක කරු ජයසූරිය මහතාගෙන් විමසීමක් සිදු කළ අතර සභානායක අමාත්ය ලක්ෂ්මන් කිරිඇල්ල ද මෙම සංවාදයට එක්වුණා.
ජාතික තව්හිද් ජමාද් සංවිධානයට සම්බන්ධ වෛද්යවරයෙකු මව්වරුන් පිරිසකට වන්ද්යකරණ සැත්කම් සිදු කර ඇති බවට පළ වූ පුවත සම්බන්ධයෙන් පොලිස් මාධ්ය ප්රකාශක පොලිස් අධිකාරී රුවන් ගුණසේකර අදහස් පළ කළා.
අදාළ පුවත පිළිබඳ තොරතුරු සෙවීමට රජයේ වෛද්ය නිලධාරීන්ගේ සංගමය ද කමිටුවක් පත් කර තිබෙනවා. අද පැවැති මාධ්ය හමුවකදී එහි සහකාර ලේකම් වෛද්ය නවීන් ද සොයිසා මෙලෙස අදහස් දැක්වුවා.