කොළඹ මහ නගර සභා බලප‍්‍රදේශය ඇතුළු ප‍්‍රදේශ කිහිපයකට ලබන සෙනසුරාදා පැය 15ක කාලයක් ජල සැපයුම අත්හිටුවන බව ජාතික ජලසම්පාදන හා ජලාපවාහන මණ්ඩලය පවසනවා.
ඒ අනුව කොළඹ, දෙහිවල ගල්කිස්ස, කෝට්ටේ, කඩුවෙල යන මහ නගර සභා බලප‍්‍රදේශවලට මෙලෙස ජල සැපයුම අත්හිටවනු ඇති.
එමෙන්ම මහරගම, බොරලැස්ගමුව, කොලොන්නාව යන නගර සභා බලප‍්‍රදේශවලට මෙන්ම කොටිකාවත්ත - මුල්ලේරියාව ප‍්‍රාදේශීය සභා බලප‍්‍රදේශයට සහ රත්මලාන සහ සොයිසාපුර මහල් නිවාස වලට ද ලබන සෙනසුරාදා ජල සැපයුම අත්හිටුවනවා.
අදාළ ප‍්‍රදේශවලට ලබන සෙනසුරාදා පෙරවරු 09 සිට මධ්‍යම රාතී‍්‍ර 12 දක්වා ජල සැපයුම අත්හිටුවෙන බවයි ජාතික ජල සම්පාදන හා ජලාපවාහන මණ්ඩලය පැවසුවේ.
