Friday, July 10, 2020

Advertising - 0773953664 | General line - 0115112241

ඉන්දියාවෙන් ටෙස්ට් ක්‍රිකට් ලෝක වාර්තාවක්

2385Views


 


 

සිය මව්රටේදී අඛණ්ඩව වැඩිම ටෙස්ට් ක්‍රිකට් තරඟාවලි සංඛ්‍යාවක් ජයග්‍රහණය කළ කණ්ඩායම බවට පත්වීමට ඉන්දීය කණ්ඩායම අද (13) සමත් වුණා. ඒ, දකුණු අප්‍රිකාවට එරෙහි දෙවන ටෙස්ට් තරඟය ද විශිෂ්ට ලෙස ජය ගනිමින්. ඒ අනුව, ඉන්දියාව 2013 වසරේ පෙබරවාරි මාසයේ සිට මේ දක්වා සිය මව්රට තුළදී අඛණ්ඩව ජයගෙන ඇති ටෙස්ට් තරඟාවලි සංඛ්‍යාව 11 ක්. මීට පෙර එම වාර්තාවට හිමිකම් කීවේ තරඟාවලි 10 ක් ජයගෙන සිටි ඕස්ට්‍රේලියාවයි.

 ඉන්දියාව අද ලැබූ ජයග්‍රහණය සටහන් වූයේ විරාත් කෝලිගේ නායකත්වය යටතේ ඉන්දියාව ලැබූ 30 වන ටෙස්ට් ජයග්‍රහණය ලෙසයි. කෝලි නායකත්වය දී ඇති ටෙස්ට් තරඟ සංඛ්‍යාව 50 ක්. ඒ අනුව, නායකයෙකු ලෙස ටෙස්ට් තරඟ 50 කදී සිය කණ්ඩායම මෙහෙයවා, ඉන් තරඟ 30 කට වැඩි සංඛ්‍යාවක් ජයග්‍රහණය කරා රැගෙන ගිය ලොව 03 වන නායකයා වන්නේ ඉන්දියාවේ විරාත් කෝලි.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here