සබරගමුව පළාතේත්, කළුතර සහ ගාල්ල දිස්ත‍්‍රක්කවලත් ස්ථාන ස්වල්පයක පස්වරු 02 න් පමණ පසුව වැසි හෝ ගිගිරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසනවා.
නැගෙනහිර පළාතේ ද ස්ථාන කිහිපයකට ද සිහින් වැසි අපේක්ෂා කළ හැකි බවයි එම දෙපාර්තමේන්තුව සඳහන් කළේ. වයඹ පළාතේ සහ හම්බන්තොට දිස්ති‍්‍රක්කයේ සුළගේ වේගය පැයට කිලෝ මීටර් 40 ක් පමණ දක්වා ඉහළ යා හැකි බව ද කාලගුණ විද්‍යා දෙපාර්තමේන්තුව සඳහන් කළා.
කෙසේ වෙතත් නැගෙනහිර සහ ඌව පළාත්වල පැවැති වැසි තත්ත්වයේ තාවකාලික අඩුවීමක් ඉදිරි දින කිහිපයේදී බලාපොරොත්තු විය හැකි බවයි කාලගුණ විද්‍යා දෙපාර්තමේන්තුව වැඩිදුරටත් සඳහන් කළේ.
