පුරාවිද්යාත්මක වටිනාකමින් යුත් බුදුපිළිම 2 ක් සමග පුද්ගලයෙකු පිටකොටුව මධ්යම බස් නැවතුම්පල අසලදී අත්අඩංගුවට ගෙන තිබෙනවා. ඒ, කොළඹ අපරාධ කොට්ඨාශයට ලද තොරතුරක් මත එහි නිලධාරීන් කණ්ඩායමක් සිදුකළ වැටලීමකදීයි. අගල් 18 ක් උස, කිලෝග්රෑම් 11 යි ග්රෑම් 805 ක් බරැති දඹ රන් හිටි පිළිමයක් හා අගල් දෙකක් උස, ග්රෑම් 152 ක් බරැති කහ පැහැති හිටි පිළිමයක් මෙහිදී සොයාගෙන තිබෙනවා.
පොලීසිය සිදුකළ විමර්ශනවලදී අනාවරණ වී තිබෙන්නේ මෙම පිළිම නිධානයකින් ලබාගෙන ඇති බවටයි. අත්අඩංගුවට ගැණුනු පුද්ගලයා වයස අවුරුදු 40 ක් වන මොණරාගල, ඩෝසර්වාඩිය ප්රදේශයේ පදිංචිකරුවෙක්. ඔහු අද අලුත්කඬේ අංක 1 මහේස්ත්රාත් අධිකරණයට ඉදිරිපත් කිරීමට නියමිතයි.