Friday, July 10, 2020

Advertising - 0773953664 | General line - 0115112241

කටුපොල් වගාව තහනම් කරන්නැයි ජනපතිගෙන් උපදෙස්

1897Views


 


 

කටුපොල් වගාව වහාම නතර කිරීමට පියවර ගන්නා ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් ලබාදී තිබෙනවා. ජනාධිපතිවරයා පවසා ඇත්තේ කටුපොල් වගාවෙන් ඉහළ ආදායමක් ලැබුන ද, පරිසරයට හානියක් සිදුවන්නේ නම් ලාභයෙන් ඵලක් නොවන බවයි. ජල හිගයට ද කටුපොල් වගාව බලපා ඇති බැවින් ඒ පිළිබඳ වහාම විධිමත් පාරිසරික අධ්‍යයනයක් සිදුකරන ලෙස ජනාධිපති ගෝඨාභය රාජපක්ෂ මහතා නිලධාරීන්ට උපදෙස් ලබාදී තිබෙනවා. 

ජනතාවගේ ගැටලුවලට කඩිනම් විසඳුම් ලබාදීමේ අරමුණින් සංවිධාන කෙරෙන දිස්ත්‍රික් සම්බන්ධීකරණ කමිටු රැස්වීම් මාලාවේ පළමුවැන්න අද පැවැත්වුණේ ගාල්ල, උඩුගම, හෝමාදොල ප්‍රදේශයේදීයි. එම රැස්වීමට සහභාගීවීම සඳහා යන අවස්ථාවේ මගදෙපස සිටි ජනතාව හමුවූ අවස්ථාවේ ඔවුන් කටුපොල් වගාවෙන් සිදුවන පරිසර හානිය පිළිබඳ ජනාධිපතිවරයා දැනුවත් කර තිබෙනවා. ඒ අනුවයි පළමු ගැටලුව ලෙස කටුපොල් වගාව සම්බන්ධයෙන් ජනාධිපතිවරයාගේ අවධානය යොමුව ඇත්තේ. 
 

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here