මෙම වසරේ ඕස්ටේ‍්‍රලියාවේ පැවැත්වීමට නියමිත පන්දුවාර 20 ලෝක කුසලාන කි‍්‍රකට් තරගාවලිය සම්බන්ධයෙන් තීරණයක් ගැනීම සඳහා ලබන ජුනි මස 10 වැනිදා රැස්වීමට අන්තර්ජාතික කි‍්‍රකට් කවුන්සිලය තීරණය කර තිබෙනවා.
ඒ, වීඩියෝ තාක්ෂණය ඔස්සේ එම කවුන්සිලයේ නියෝජිතයින් ඊයේ (28) පැවැත්වූ සාකච්ඡාවකදීයි.
අන්තර්ජාතික කි‍්‍රකට් කවුන්සිලයේ නව සභාපතිවරයා පත් කර ගැනීම සම්බන්ධයෙන් ඊයේ සාකච්ඡා කිරීමට නියමිතව තිබුණත්, රහස්‍යභාවය පිළිබඳ ගැටලූ හේතුවෙන් ඒ පිළිබඳ වැඩිදුර කරුණු සලකා බැලීම ජුනි 10 වැනිදා තෙක් කල් දැමුණා.
ඊයේ පැවැති සාකච්ඡාවේදී එම කවුන්සිලයේ නියෝජිතයින් පෙන්වා දී ඇත්තේ ජාත්‍යන්තර කි‍්‍රකට් කවුන්සිලයේ රහස්‍යභාවය බිඳවැටී ඇති බවයි.
ඒ අනුව එම කවුන්සිලයේ ආචාර ධර්ම පද්ධතිය භාර නිලධාරීවරයාගේ ප්රධානත්වයෙන් මේ පිළිබඳ ස්වාධීන පරීක්ෂණයක් පැවැත්වීමට ද ඊයේ පැවැති සාකච්ඡාවේදී තීරණය කර තිබෙනවා.
