Thursday, July 2, 2020

Advertising - 0773953664 | General line - 0115112241

බංකරයේ සැඟවී සිටි ට්‍රම්ප් එලියට එයි : විරෝධතාවන් මැඩ පවත්වන්න හමුදාව යොදවන බවට අනතුරු අඟවයි (PHOTOS)

3865Views


 


 

ජෝර්ජ් ෆ්ලොයිඩ් ගේ ඝාතනයට එරෙහිව පැවැත්වෙන අමෙරිකාවේ විරෝධතාවයන් පාලනය කිරිමට ප්‍රාන්ත බලධාරින් ක්‍රියා නොකරන්නේ නම් තමන් හමුදාව යොදවන බවට ජනාධිපති ඩොනල්ඩ් ට්‍රම්ප් ප්‍රකාශ කර සිටිනවා.

" මමයි ඔබේ නීතිය හා සාමය පිලිබඳ ජනාධිපති. නගරාධිපතිවරුන් සහ ආණ්ඩුකාරවරුන් ඇතිව තිබෙන ප්‍රචණ්ඩත්වය පාලනය කිරිමට නීතිය තදින් ක්‍රියාත්මක කළ යුතුයි. යම් ප්‍රාන්තයක හෝ නගරයක ජිවත් වන ජනතාවගේ ජිවිත හෝ දේපළ ආරක්ෂා කිරිමට අවශ්‍ය ක්‍රියාමාර්ග ගැනීම ප්‍රතික්ෂේප කරන්නේ නම් මම හමුදාව යොදවා ඉක්මනින්ම ගැටළුව විසඳා දීමට අවශ්‍ය පියවර ගන්නවා" යැයි ජනාධිපති ට්‍රම්ප් ධවල මන්දිරයේ රෝස් ගාර්ඩ්න් හිදී ප්‍රකාශ කර සිටියා.

පසුගිය දින කිහිපයේදී ඇතිවූ විරෝධතා හේතුවෙන් ජනාධිපතිවරයාව ධවල මන්දිරයේ පිහිටි භූගත ආරක්‍ෂිත බංකරයකට රැගෙන යාමට ආරක්ෂක අංශ හට සිදුවුවා.

කෙසේ වුවත් ජනාධිපති ට්‍රම්ප් ඊයේ දිනයේදී ධවල මන්දිරයේ සිට ශාන්ත ජෝන් දේවස්ථානය වෙත පාගමනින් ගොස් සිය ගෞරවය දක්වා සිටියා. පසුගිය ඉරිදා ඇතිවූ විරෝධතාවයේදී එම දේවස්ථානයේ බිම් මහලේ ගින්නක් හට ගනු ලැබුවා.

මෙම දේවස්ථානයට අමෙරිකානු ජනාධිපතිවරුන් රැසක් ආගමික වතාවත් වලට සහභාගිවූ බැවින් එයට " ජනාධිපති දේවස්ථානය" ලෙස අනවර්ථ නාමයෙන් හඳුන්වනු ලබන බවයි විදෙස් මාධ්‍ය වාර්තා කර සිටියේ.

ජනාධිපතිවරයාට දේවස්ථානය වෙත යාම සඳහා ආරක්ෂක භටයින් විසින් එය ඉදිරිපිට රැස්ව සිටි විරෝධතාකරුවන්ට රබර් උණ්ඩ වෙඩි ප්‍රහාරයක් සහ අශ්වාරෝහක සෙබළුන් යොදවා පිරිස විසුරුවා හැරියා.

එසේ දේවස්ථානය අසලට පැමිණි ජනාධිපතිවරයා සිය අතෙහි බයිබලයක් ද තබා ගෙන ජයාරූපයකටද පෙනී සිටිය අතර ඔහුගේ ජනාධිපතිවරයා ගේ මෙම කෙටි සංචාරය සඳහා ධවල මන්දිරයේ ප්‍රධානින් හා ආරක්ෂක අංශ ප්‍රධානින් එක්ව සිටියා.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here