Tuesday, August 11, 2020

Advertising - 0773953664 | General line - 0115112241

නිවෙස් නිරෝධායනයේ යෙදී සිටි පුද්ගලයෙකුට කොරෝනා : සමාජ සම්ප්‍රේෂණයක් නොවන බව සෞඛ්‍ය අංශ කියයි

8400Views


 



ඉන්දියාවේ සිට මෙරටට පැමිණ කොළඹ 13, ජින්තුපිටිය ප්‍රදේශයේ පිහිටි සිය නිවසේ දින 14ක නිරෝධායන ක්‍රියාවලියේ යෙදී සිටි පුද්ගලයෙකුට නව කොරෝනා වෛරසය ආසාදනය වී ඇති බවට අද තහවුරු වූ බව වසංගත රෝග විද්‍යා අංශයේ ප්‍රධානි විශේෂඥ වෛද්‍ය සුදත් සමරවීර ප්‍රකාශ කර සිටිනවා.

මෙම පුද්ගලයා නෞකාවක සේවය කරන පුද්ගලයෙකු වන අතර ඔහු ඉන්දියාවේ සිට මෙරටට පැමිණ දින 14 ක කාලයක් නිරෝධායන ක්‍රියාවලියේ යෙදී සිට පසුව නිවෙස් වෙත නිරෝධායනය වෙත යොමු කොට තිබෙනවා. ඒ PCR පරීක්ෂණ වලදී ඔහුට කොරෝනා වෛරසය ආසාදනය වී නොමැති බවට තහවුරු කර ගැනීමෙන් අනතුරුවයි.

දින 14 ක කාලයක් නිවාස නිරෝධායනයේ යෙදී සිටිමින් සිටියදී ඔහුගේ සිදුකළ PCR පරීක්ෂණයේදී ඔහුට වෛරසය ආසාදනය වී ඇති බවට තහවුරු වී ඇති බවයි වසංගත රෝග විද්‍යා අංශයේ ප්‍රධානියා වැඩිදුරටත් සඳහන් කළේ.

මේ අතර සෞඛ්‍ය අධ්‍යක්ෂක ජනරාල් විශේෂඥ වෛද්‍ය අනිල් ජාසිංහ සඳහන් කලේ මෙම පුද්ගලයාට සමාජය තුලින් වෛරසය බෝවීමක් සිදුව නොමැති බවයි.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here