Saturday, August 15, 2020

Advertising - 0773953664 | General line - 0115112241

පැය කිහිපයක මෙහෙයුමකින් පසු වැල්ලවත්තේ ගින්න පාලනය කෙරේ

1277Views


 



වැල්ලවත්ත ඩබ්ලිව් ඒ සිල්වා මාවතේ කඩපෙළක අද දහවල් හටගත් ගින්නෙන් වෙළඳසැල් 6 කට හානි සිදුව තිබෙනවා. අද දහවල් හටගත් එම ගින්න මැඩ පැවැත්වීම සඳහා ගිනි නිවන භටයින් පැය කිහිපයක මෙහෙයුමක් ක‍්‍රියාත්මක කළා. 

ඒ සඳහා ගිනි නිවීමේ රථ 10 ක් එක්කර තිබූ බවයි ගිනි නිවන සේවා දෙපාර්තමේන්තුව පැවසුවේ. මේ හේතුවෙන් ගාලූපාරේ කොළඹ දෙසට වාහන ගමන් ගන්නා මංතීරුව, වැල්ලවත්ත රාමක‍්‍රිෂ්ණ මංසන්ධියෙන් පැය කිහිපයක් වසා දැමීමට ද පොලිසිය කටයුතු කළා. 

ගින්න මැඩ පැවැත්වීමේ මෙහෙයුම සඳහා එක්වූ ගිනි නිවන භටයෙකුගේ අතකට තුවාල සිදු වීම හේතුවෙන් ඔහු කළුබෝවිල ශික්ෂණ රෝහලට ඇතුළත් කිරීමට ද සිදු වුණා. 

ගින්නට හේතුව විදුලි කාන්දුවක් බවටයි සැක පළ වන්නේ. සිද්ධිය සම්බන්ධයෙන් වැල්ලවත්ත පොලිසිය වැඩිදුර විමර්ශන සිදු කරනවා.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here