Friday, October 23, 2020

General line - 0115112241

කල්පිටියේ දුපතක තිබූ කේරළ ගංජා තොගයක් නාවික හමුදාව සොයා ගනී

497Views


 


කල්පිටිය බත්තලංගුණ්ඩුව පරාමුණේ දුපතේ ධීවර වාඩියක සිට ප‍්‍රවාහනය කිරීමට සූදානම්කර තිබූ ලක්ෂ 50 කට ආසන්න වටිනාකමකින් යුත් කේරළ ගංජා තොගයක් සොයාගෙන තිබෙනවා. ඒ, කල්පිටිය විජය නාවික හමුදා කදවුරේ බුද්ධි අංශ නිලධාරින්ට ලද තොරතුරකට අනුව සිදුකළ වැටලීමකදීයි. එහිදී කේරළ ගංජා කිලෝ 31යි ග‍්‍රෑම් 500 කට ආසන්න තොගයක් සොයාගෙන තිබෙනවා. 

සංවිධානාත්මක ජාවාරම්කරුවන් පිරිසක් විසින් ඉන්දියාවේ සිට බෝට්ටුවක් මගින් මෙම කේරළ ගංජා තොගය රැගෙනවිත් තිබුණා. කෙසේවෙතත් මෙම ගංජා තොගය කවුරුන් විසින් මෙම ස්ථානයට රැගෙනවිත් සගවා තිබුණේද යන්න මෙතෙක් අනාවරණ වී නැහැ. එම ගංජා තොගය නාවික හමුදා නිලධාරින් විසින් කල්පිටිය පොලිසියට භාර දී තිබෙනවා.


 

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here