Wednesday, October 28, 2020

General line - 0115112241

ඩයලොග් බලගන්වන ජනාධිපති රන් කුසලාන වොලිබෝල් අවසන් මහා තරගය සැප්තැම්බර් 26 වනදා පැවැත්වෙයි : අවසන් මහා තරගය දහවල්1.00 සිට සජීවීව ස්වාධීන රූපවාහිනී සේවයෙන් 

391Views


 


මෙරට වොලිබෝල් ක්‍රීඩා කේෂ්ත්‍රයේ ප්‍රමුඛතම අවසන් මහා තරගයක් මෙන්ම, කොවිඩ් -19න් පසුව පැවැත්වෙන පළමු ජාතික මට්ටමේ ක්‍රීඩා වැඩසටහනද වන, ඩයලොග්  විසින් බලගන්වන 2019 ජනාධිපති රන් කුසලාන අවසන් මහා තරගය සැප්තැම්බර් 26 වනදා මහරගම ජාතික තරුණ සේවා සභා පරිශ්රතයේදී පැවැත්වීමට කටයුතු යොදා තිබේ. 

සෞඛ්‍ය අමාත්‍යාංශය සහ ක්‍රීඩා අමාත්‍යාංශය විසින් ප්‍රකාශයට පත්කර තිබෙන සෞඛ්‍ය මාර්ගෝපදේශවලට අනුකූලව මෙම අවසන් මහා තරගය දින දෙකක් පුරා පැවැත්වීමට නියමිතය. 

මේ අනුව ඩයලොග් විසින් බලගන්වන ජනාධිපති රන් කුසලාන කාන්තා අවසාන මහා තරගය සැප්තැම්බර් 26 වනදා මහ-උස්වැව රත්නපාල සහ රදාවාන ගෝල්ඩන් බර්ඩ් කණ්ඩායම් අතර පැවැත්වීමට නියමිත අතර, සැවොම උණුසුම් තරගයක් බලාපොරොත්තු වන පිරිමි අවසන් මහා තරගය ගම්පහ සියනෑ තරු කණ්ඩායම සහ දෙබෑගම රන්තරු කණ්ඩායම් අතර පැවැත්වීමට නියමිතයි. මෙම තරග පස්වරු 1.00 සිට මහරගම ජාතික තරුණ සේවා මධ්යරස්ථානයේ සිට සජීවීව ස්වාධීන රූපවාහිනී සේවය ඔස්සේ විකාශය කෙරේ.

අවසන් මහා තරගයට පෙර ඩයලොග් විසින් බලගන්වන ජනාධිපති රන් කුසලාන වයස අවුරුදු 23 පහළ කාන්තා අවසන් මහා තරගය මහ-උස්වැව රත්නපාල සහ කෑගල්ල හයිඩ්රාමනි කණ්ඩායම් අතරත්, පිරිමි අවසන් මහා තරගය නාත්තන්ඩිය යුනයිටඩ් සහ වෙන්නප්පුව ජෝසප් වාස් කණ්ඩායම් අතරත් පැවැත්වීමට නියමිත අතර, එම තරග සැප්තැම්බර් 25 වෙනිදා මහරගම ජාතික තරුණ සේවා මධ්‍යස්ථානයේ දී පැවැත්වෙන අතර පස්වරු 1.00 සිට සජීවීව ස්වාධීන රූපවාහිනී සේවය ඔස්සේ විකාශය කරනු ඇත. 

“කොවිඩ් -19 වසංගතයෙන් පසුව මෙරට පළමු ජාතික මට්ටමේ තරගාවලිය ශ්‍රී ලංකාවේ ජාතික ක්‍රීඩාව වන වොලිබෝල් සම්බන්ධ කරගෙන පැවැත්වීමට ලැබීම ගෞරවයක්. මේ අභියෝගාත්මක අවස්ථාවේදී මෙම තරගාවලිය සාර්ථක කර ගැනීමට සහයෝගය ලබාදෙන අපගේ ප්‍රධාන අනුග්‍රාහකයා වන ඩයලොග් ආසිආටා සමාගමට මා ස්තූතිය පුද කරනවා.” යනුවෙන් මෙහිදී අදහස් දක්වමින් ශ්‍රී ලංකා වොලිබෝල් සංගමයේ සභාපති, පාර්ලිමේන්තුවේ නියෝජ්‍ය කතානායක සහ කමිටු සභාපති, පාර්ලිමේන්තු මන්ත්‍රී රංජිත් සියඹලාපිටිය ප්‍රකාශ කර සිටියේ.

ඩයලොග් විසින් බලගන්වන ජනාධිපති රන් කුසලාන වොලිබෝල් තරගාවලිය ශ්‍රී ලංකාවේ පැවැත්වෙන දැවැන්තම ක්‍රීඩා තරගාවලිය වන අතර, 2019 සැප්තැම්බර් මාසයේදී මෙම තරගාවලිය ආරම්භ කරන ලද්දේ කණ්ඩායම් 2,500 ක් සහ ක්‍රීඩකයින් 40,000 කට වැඩි සංඛ්‍යාවකගේ සහභාගිත්වයෙනි. 

කොවිඩ් -19 වංසගතය පැතිරීම වැළැක්වීම සඳහා රජය විසින් ගනු ලැබූ සමාජ දුරස්ථභාවය පිළිබඳ නියාමනවල ප්‍රථිපලයක් වශයෙන් සහ ක්‍රීඩකයන් ගේත් ප්‍රේක්ෂකයින්ගේත් සෞඛ්‍ය හා ආරක්ෂාව පිළිබඳව සැලකිලිමත්වෙමින් ඩයලොග් ජාතික කණිෂ්ඨ වොලිබෝල් තරගාවලියේ අවසන් මහා තරගය සහ ජනාධිපති රන් කුසලාන අවසන් මහා තරගය වත්මන් දිනට කල්දැමීමට පියවර ගන්නා ලදී.

පසුගිය වසරේ අවසන් මහා තරගයේදී සියනෑ තරු  කණ්ඩායම පිරිමි ශූරතාවයත්, කැෂුවල් කණ්ඩායම කාන්තා ශූරතාවයත් දිනා ගනු ලැබීය.

ඩයලොග් ආසිආටා පීඑල්සී ජාතික ක්‍රිකට්, රග්බි, වොලිබෝල් සහ දැල්පන්දු කණ්ඩායම්හි නිල අනුග්‍රාහකයා ලෙසද කටයුතු කරයි. ජනාධිපති රන් කුසලාන වොලිබෝල් තරගාවලිය බලගැන්වීමට අමතරව ජාතික කණිෂ්ඨ සහ ජේෂ්ඨ දැල් පන්දු තරගාවලි, රග්බි සමාජ, ප්‍රිමියර් පාපන්දු තරගාවලි, පාසැල් ක්‍රිකට් හා පාසල් රග්බි තරග, යුධ හමුදා පැරා ක්‍රීඩා තරගාවලිය, ජාතික පැරා ක්‍රීඩා තරගාවලිය, ඔලිම්පික් තරගාවලියට සහභාගි වන ශ්‍රී ලංකා පැරා කණ්ඩායම සහ ලෝක පැරාලිම්පික් තරගාවලිය බලගැන්වීමට කටයුතු කර ඇත.
 

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here