රුසියාවේ නිපදවන ලද තුන්වන කොවිඩ් මර්දන එන්නත වන කොවිවැක් එන්නත ද එරට මහජනතාව සඳහා භාවිත කිරීමට අනුමැතිය හිමිව තිබෙනවා. රුසියානු අගමැති මිකායල් මිෂුස්ටන් ප්‍රකාශ කළේ නව්‍ය කොරෝනා වෛරසයට එරෙහිව භාවිත කළ හැකි කොවිඩ් එන්නත් තුනක් නිපදවූ ලොව පළමු රට රුසියාව බවයි. මේ වනවිටත් රුසියාව එරටදී අත්හදා බැලීම් සිදු කළ එන්නත් දෙකක් මහජන භාවිතය වෙනුවෙන් අනුමැතිය ලබා දී තිබෙනවා.
ඒ අතරින් ස්පුට්නික් වී එන්නත කොරෝනා වෛරසයට එරෙහිව සියයට 91 යි දශම 4 ක ඵලදායීතාවක් පෙන්නුම් කරන බව අනාවරණ වුණේ පසුගිය දෙසැම්බර් මාසයේදීයි. එතැන් සිට රුසියාව ස්පුට්නික් වී එන්නත මහජනතාවට ලබාදීම ආරම්භ කළ අතර මේ වනවිට මිලියන 02 කට වැඩි රුසියානුවන් පිරිසකට එන්නතේ පළමු මාත්‍රාව ලබාදී ඇති බවයි වාර්තා වන්නේ.
