පැරණි බෝගම්බර බන්ධනාගාරයේ වහලය මත නැග විරෝධතාවක නිරතව සිටි රැදවියන් පිරිස එම විරෝධතාවය අත්හැර තිබෙනවා. බන්ධනාගාර කොමසාරිස් චන්දන ඒකනායක පැවසුවේ පැරණි බෝගම්බර බන්ධනාගාරයේ පාලන අධිකාරිය සමග පැවති සාකච්ඡාවකින් පසුව ඔවුන් විරෝධතාවය අත්හැර ඇති බවයි.
පී.සී.ආර්. පරීක්ෂණ කඩිනමින් සිදුකරන ලෙස සහ ඇප ලබාදෙන ලෙස ඉල්ලමින් ඔවුන් බන්ධනාගාරයේ වහලය මත නැග විරෝධතාවයේ නිරත වුණා. ඉකුත් 12 වනදා බන්ධනාගාර ගත කළ එම රැදවියන් ලබන 22 වනදා පී.සී.ආර්. පරීක්ෂණ සදහා යොමු කිරීමට සැලසුම් කර ඇති බවයි බන්ධනාගාර කොමසාරිස් චන්දන ඒකනායක සදහන් කළේ.