බෙල්ලන්විල රාජමහා විහාරස්ථානය අසල අත්බෝම්බයක් 

බෙල්ලන්විල රාජමහා විහාරස්ථානයේ විහාර මාවත හා පහත මළුව අතර තාප්පයක් අසල තිබී අත්බෝම්බයක් සොයා ගෙන තිබෙනවා. 

විහාරස්ථානයේ සේවකයෙකු පන්සල් භූමිය පිරිසිදු කරමින් සිටි අවස්ථාවේදී එම අත්බෝම්බය හමුවී ඇති බවයි පොලීසිය පැවසුවේ. 

කිසියම් පුද්ගලයෙකු එම අත් බෝම්බය එම ස්ථානයේ දමා යන්නට ඇති බවටයි සැක කෙරෙන්නේ. පැපිලියාන පොලීසිය මගින් වැඩිදුර පරීක්ෂණ ක්‍රියාත්මකයි.