හිටපු ජනාධිපති මහින්ද රාජපක්ෂ මහතා සමග විදෙස් සංචාරවලට සහභාගි වු ඇතැම් රාජ්‍ය නිලධාරීන් සම්බන්ධයෙන් තොරතුරු නොමැති බව විදේශ කටයුතු අමාත්‍ය මංගල සමරවීර පවසනවා.
ඒ, පාර්ලිමේන්තුවේදී නැගූ ප්‍රශ්නයකට පිළිතුරු ලබාදෙමින්.
ඔහු එහිදී පැවසුවේ තමා විදේශ ඇමතිවරයා ලෙස සිටින සමයේ මහින්ද රාජපක්ෂ සමග ගිය පළමු විදෙස් සංචාරයට 140 ගණනක් එක්වූ නමුත් අමාත්‍යංශයේ සටහන් වී ඇත්තේ 71ගේ නම් පමණක් බවයි.
ඇතැම් ලිපිගොනු අතුරුදන් වී ඇති බවත් පරීක්ෂණ කටයුතු ඉදිරියට පවත්වාගෙන යන බවත් ඇමතිවරයා සඳහන් කළා.
