රනිල් වික්‍රමසිංහ මහතා අග්‍රාමාත්‍ය ධුරයට පත් කිරීම සහ ජනතාව පිළිනොගන්නා පිරිසක් අමාත්‍ය ධුර සදහා පත් කිරීම හරහා රට තවත් අරාජික වන බව සමගි ජනබලවේගය පවසනවා. එහි ජාතික සංවිධායක තිස්ස අත්තනායක පැවසුවේ ගත් මෙම වැරදි තීන්දුව හකුලා ගැනීමට ඉදිරියේදී ජනාධිපතිවරයාට සිදුවන බවයි.
කෙසේවෙතත් ආණ්ඩුව ගෙන එන සාධනීය යෝජනාවන් සදහා ස්වාධින වූ පක්‍ෂ 11 සහාය ලබාදෙන බවයි එහි සාමාජික පාර්ලිමේන්තු මන්ත්‍රී වීරසුමන වීරසිංහ සඳහන් කළේ.
නව ආණ්ඩුවේ අමාත්‍ය ධුර භාර නොගන්නා බවට සමගි ජනබලවේගය සහ ස්වාධීන වූ මන්ත්‍රී කණ්ඩායම මේ වනවිටත් ප්‍රකාශ කර අවසන්.
